Ich han vier Grosseltere.
De Grossätti, s Grossmami, de Grosstädä und s Grossmueti.
Alli vier münd amel stuune, wie schnäll ich wachse und plötzlich wieder noi Sache vorfüehre chan.
Dä Grossätti
Min Grossätti isch de Papi vo mim Papi. Ich bin sin dritte Änkel. Ich han nämlich au e Cousine und en Cousin. Und zwar d Ronja und de Robin. De Grossätti wohnt gad uf de andere Strassesite, das isch mega lässig. Vill gahni nämlich mitem Mami zäme det go Zmittag ässe. So gseni min Grossäti ganz vill. S Gotti isch den amel au det und duet vill mit mir kuschle. Das hani mega gern.
S Grossmami
S Mami vo mim Papi isch s Grossmami. Wenn ich chli grösser bin dut si eimal ide Wuche uf mich ufpasse. Uf das freu ich mich sehr! Ab und zue chunt si au ez scho verbi und dut mich hüete, das mini Eltere chli in Usgang chönd.
Dä Grosstädä
Dä Grosstädä isch dä Tädä vo mim Mami. Wenn er uf Bsuech chunt dut er mir immer Seich zeige. Das find ich lässig. Eimal häter mich au scho bädelät. Er hät es lässigs Feriehuus ide Bärge. Dethi gömmer amigs id Ferie. Wenn ich chli grösser bin, chan ich det den lärne Schiifahre.
S Grossmueti
Am Mami sis Mueti isch mis Grossmueti. Ich bin Ihre ersti Änkel. Drum hät si sich glaub au bsundrigs uf mich gfreut. Si passt vill uf mich uf, wenn s Mami und de Papi mal wäg wänd. Ich han immer freud wenn si verbichunt, will si mir immer vill dut lehre. Mir händ sogar schomal es ganzes Wuchenänd zäme verbracht.